Við blásum til samfagnaðar samstarfsaðila og hollvina GEORGs – Rannsóknarklasa í jarðhita! Tilefni viðburðarins er að hóa saman þeim sem hafa komið að og/eða notið góðs af starfi GEORGs á einhvern hátt, halda þannig upp á árangur íslenska jarðhitageirans og styrkja tengslin í bransanum.
Fyrir 15 árum var veittur styrkur úr Markáætlun Vísinda- og tækniráðs til 7 ára til að efla jarðhitageirann á Íslandi. Markmiðið var að tryggja samkeppnishæfni Íslands á sviðinu og hlúa að framþróun í þekkingu og tækni. GEORG var stofnaður um verkefnið og hefur á tímabilinu unnið með fjölmörgum aðilum sem hafa lagt hönd á plóg við að skapa þá grósku sem til staðar er í geiranum í dag. Okkur þykir tilefni til að halda upp á þennan árangur og minna um leið á mikilvægi þess að vinna að áframhaldandi virðisauka í jarðhitageiranum.
Húsið opnar kl. 14:00 og verður boðið upp á fordrykk og léttar veitingar áður en að dagskrá hefst kl. 14:30, fyrir framan Gróðurvegginn í Grósku. Drykkir og veitingar verða áfram í boði á meðan dagskrá stendur.
Öll velkomin!
